Samsung Galaxy A18 4G: مراجعة عملية لموبايل اقتصادي بس بدعم تحديثات طويل

شاشة AMOLED وسعر مرتفع… بيستحق Galaxy A18 4G الشراء؟

Galaxy A18 4G 05 Oct 2026

ملخص المراجعة

موبايل فئة اقتصادية بضم ميزات غريبة مثل LPDDR5 ! خلينا نطلع على مراجعة قارنلي التقنية لهالموبايل الاقتصادي الجديد. الجهاز قدم شاشة AMOLED ممتازة وبطارية كبيرة ودعم برمجي يمتد لست سنوات، بس بيفتقر لل 5G، بيجي الموبايل بمعالج متواضع وسعر أعلى من سابقه. اطلع على التفاصيل الكاملة لمساعدتك على اتخاذ قرار الشراء.👇

أقسام المراجعة

نظرة عامة

Galaxy A18 4G هو موبايل اقتصادي يقدم الأساسيات بدون مبالغة. يأتي ببطارية 5,000 مللي أمبير مع شحن 25 واط، وشاشة AMOLED مقاس 6.7 بوصة بمعدل تحديث 90 هرتز، ويعمل بنظام Android 17 مع واجهة One UI 9. الجهاز موجه لمستخدمي Galaxy الذين لا يهتمون كثيرًا بالمواصفات أو وجود عدسة تقريب، وهو خيار عملي لتجديد عقود الهواتف.

الشاشة: أفضل ميزة في الجهاز🌇

يأتي Galaxy A18 4G بشاشة Super AMOLED مقاس 6.7 بوصة بدقة FHD+ (1080×2340 بكسل) ومعدل تحديث 90 هرتز. هي الشاشة بتقدم ألوان زاهية وتباين ممتاز وهي من أفضل الشاشات يلي بتجي بهالفئة السعرية. الشاشة محمية بزجاج Gorilla Glass Victusبتعطيك متانة إضافية. العيب الوحيد هو معدل التحديث 90 هرتز فقط، في وقت صار اقل هاتف اقتصادي من شركة منافسة 120 هرتز.

الأداء: معالج Exynos 1610⚙️

سامسونج زودت الموبايل بمعالج Exynos 1610 ثماني النواة، مع 4 جيجابايت رام سريعة جدا من نوع LPDDR5 و 128 جيجابايت تخزين. هاد تغيير عن معالج MediaTek Helio G99 في الجيل السابق، بس مازال يعتبر اقتصادي لكن بتوافق اكبر مع الواجهة وفي اختبارات Geekbench، سجل الموبايل حوالي 744 نقطة باختبار النواة الواحدة و2,064 نقطة باختبار النواة المتعددة، وهي أرقام متواضعة. بس بالاستخدام اليومي، الجهاز سلس للمهام الأساسية، وغير مناسب للألعاب الثقيلة أو تعدد المهام المكثف.

الكاميرا: نظام ثلاثي متواضع

كاميرا خلفية ثلاثية:📷

· 50 ميجابكسل رئيسية مع فتحة عدسة f/1.8 وتركيز تلقائي
· 5 ميجابكسل فائقة الاتساع
· 2 ميجابكسل ماكرو
· كاميرا أمامية 13 ميجابكسل🤳
الكاميرا الرئيسية بتلتقط صور جيدة بالإضاءة الجيدة، بس العدسات الباقية محدودة. الكاميرا الرئيسية بتدعم التثبيت البصريOIS يعني رح تساعد بتقليل الاهتزاز. لا تتوقع أداء مميز بالتصوير الليلي أو التصوير الاحترافي بهي الفئة.

البطارية والشحن

بطارية بسعة 5,000 مللي أمبير مع دعم شحن سلكي سريع بقدرة 25 واط، ويمكنها الوصول إلى 50% من السعة خلال 30 دقيقة. البطارية كافية ليوم كامل من الاستخدام المعتدل، لكنها ما بتقدم أي مفاجآت مقارنة بالمنافسين في هذه الفئة.

التصميم والمتانة: بلاستيك ومقاومة IP64

الجهاز مصنوع من إطار وظهر بلاستيكي، بوزن 196 جرامًا وسماكة 7.7 ملم. بيجي بثلاثة ألوان: الأسود، الرمادي، والأزرق الفاتح. مقاومة الغبار والماء من فئة IP64، يعني مقاوم لرذاذ المياه وغير مقاوم للغمر بالماء. ومستشعر بصمات الأصابع مدمج بزر الطاقة، بيفتح بشكل جيد.

البرمجيات: أقوى نقطة بالجهاز

الميزة الحقيقية لـ Galaxy A18 4G. الموبايل رح يحصل على ستة إصدارات من تحديثات نظام Android وست سنوات من التحديثات الأمنية، يعني دعم برمجي حتى عام 2032. الجهاز بيشتغل بواجهة One UI 9.0 المبنية على Android 17، وفيه ميزات مثل Circle to Search وتكامل مع Google Gemini وSamsung Knox Vault. هاد الدعم الطويل رح يخلي الجهاز خيار ممتاز للأشخاص يلي مخططين للاحتفاظ بالموبايل لسنوات.

السعر: ارتفاع مثير للجدل

يُباع Galaxy A18 4G في فرنسا بسعر 279 يورو (حوالي 330 دولارًا) للنسخة 4/128 جيجابايت. هذا بمثل ارتفاع بنحو 80-100 يورو مقارنة بالجيل السابق Galaxy A17 4G اللي كان ينباع بحوالي 199 يورو. الارتفاع الكبير بالسعر مع تحسينات محدودة في المواصفات يجعل الجهاز أقل جاذبية من حيث القيمة مقابل السعر.

الحكم النهائي: لمين هالموبايل؟

اختر Galaxy A18 4G إذا كنت:

· من محبي سامسونج وبدك موبايل اقتصادي بواجهة One UI
· بتهتم بالشاشة أكثر من الأداء
· مخطط للاحتفاظ بالموبايل لأكثر من 4 سنوات
· ما مهتم كتير بشبكة 5G
· بدك دعم برمجي ل6سنين

تجنب Galaxy A18 4G إذا كنت:

· بحاجة لأداء قوي بالألعاب أو تعدد المهام
· بدك شبكة 5G
· بتبحث عن أفضل قيمة مقابل السعر (في بدائل أفضل من شاومي وريلمي)
· بتهتم بالتصوير الاحترافي