Samsung Galaxy A18 4G: مراجعة عملية لموبايل اقتصادي بس بدعم تحديثات طويل
شاشة AMOLED وسعر مرتفع… بيستحق Galaxy A18 4G الشراء؟
يأتي Galaxy A18 4G بشاشة Super AMOLED مقاس 6.7 بوصة بدقة FHD+ (1080×2340 بكسل) ومعدل تحديث 90 هرتز. هي الشاشة بتقدم ألوان زاهية وتباين ممتاز وهي من أفضل الشاشات يلي بتجي بهالفئة السعرية. الشاشة محمية بزجاج Gorilla Glass Victusبتعطيك متانة إضافية. العيب الوحيد هو معدل التحديث 90 هرتز فقط، في وقت صار اقل هاتف اقتصادي من شركة منافسة 120 هرتز.
سامسونج زودت الموبايل بمعالج Exynos 1610 ثماني النواة، مع 4 جيجابايت رام سريعة جدا من نوع LPDDR5 و 128 جيجابايت تخزين. هاد تغيير عن معالج MediaTek Helio G99 في الجيل السابق، بس مازال يعتبر اقتصادي لكن بتوافق اكبر مع الواجهة وفي اختبارات Geekbench، سجل الموبايل حوالي 744 نقطة باختبار النواة الواحدة و2,064 نقطة باختبار النواة المتعددة، وهي أرقام متواضعة. بس بالاستخدام اليومي، الجهاز سلس للمهام الأساسية، وغير مناسب للألعاب الثقيلة أو تعدد المهام المكثف.
كاميرا خلفية ثلاثية:📷
· 50 ميجابكسل رئيسية مع فتحة عدسة f/1.8 وتركيز تلقائي
· 5 ميجابكسل فائقة الاتساع
· 2 ميجابكسل ماكرو
· كاميرا أمامية 13 ميجابكسل🤳
الكاميرا الرئيسية بتلتقط صور جيدة بالإضاءة الجيدة، بس العدسات الباقية محدودة. الكاميرا الرئيسية بتدعم التثبيت البصريOIS يعني رح تساعد بتقليل الاهتزاز. لا تتوقع أداء مميز بالتصوير الليلي أو التصوير الاحترافي بهي الفئة.
الميزة الحقيقية لـ Galaxy A18 4G. الموبايل رح يحصل على ستة إصدارات من تحديثات نظام Android وست سنوات من التحديثات الأمنية، يعني دعم برمجي حتى عام 2032. الجهاز بيشتغل بواجهة One UI 9.0 المبنية على Android 17، وفيه ميزات مثل Circle to Search وتكامل مع Google Gemini وSamsung Knox Vault. هاد الدعم الطويل رح يخلي الجهاز خيار ممتاز للأشخاص يلي مخططين للاحتفاظ بالموبايل لسنوات.
· شاشة AMOLED ممتازة بجودة عالية
· دعم برمجي طويل (6 سنوات)
· بطارية كبيرة بسعة 5,000 مللي أمبير
· مقاومة IP64
· دعم microSD حتى 2 تيرابايت
· ميزات ذكاء اصطناعي مثل Circle to Search وGemini
❌العيوب:
· لا يدعم شبكات 5G
· معالج Exynos 1610 متواضع الأداء لكن افضل من النسخة السابقة
· 4 جيجابايت فقط من الذاكرة العشوائية وهي بتقنية LPDDR5 لكن السعة لاتسمح بفتح تطبيقات متعددة ابدا وهاد رح يسبب لاغ عند أستخدام أكثر من تطبيق.
· شحن بطيء نسبيًا (25 واط) 30دقيقة ل50%
· سعر مرتفع مقارنة بالجيل السابق
· كاميرات ثانوية ضعيفة (5MP + 2MP) لا يمكن القول انه يعتمد عليهما
· من محبي سامسونج وبدك موبايل اقتصادي بواجهة One UI
· بتهتم بالشاشة أكثر من الأداء
· مخطط للاحتفاظ بالموبايل لأكثر من 4 سنوات
· ما مهتم كتير بشبكة 5G
· بدك دعم برمجي ل6سنين
تجنب Galaxy A18 4G إذا كنت:
· بحاجة لأداء قوي بالألعاب أو تعدد المهام
· بدك شبكة 5G
· بتبحث عن أفضل قيمة مقابل السعر (في بدائل أفضل من شاومي وريلمي)
· بتهتم بالتصوير الاحترافي
لا توجد تعليقات بعد — كن أول من يضيف تعليقًا.